1995թ., 10 մայիսի. Հայաստանի Ազգային
գրադարանի և Հայաստանի Ազգային գրապալատի հետ համատեղ <<ՀՀ
փաստաթղթերի պարտադիր օրինակների ստացման կարգի ներկա վիճակը
և ԱՊՀ երկրների հետ համագործակցության հեռանկարները>>
թեմայով կլոր սեղան:
1996թ., 10 հուլիսի. Կլոր սեղան` նվիրված Հայաստանի
գրադարանների վիճակին: (Հայաստանի Ազգային, Երևանի պետական
համալսարանի գիտական, Խնկո-Ապոր անվ. ազգային մանկական,
Հանրապետական գիտաբժշկական, Հանրապետական գիտատեխնիկական և
այլ գրադարանների ներկայացուցիչների կողմից ելույթներ):
Քննարկման արդյունքում ընդունված որոշմամբ ելույթների
արձանագրությունը ուղարկվել է պետական մարմիններին:
1998թ., մարտ-հունիս. <<Գրադարանի աշխատակազմի ուսուցում>>
ծրագրի շրջանակներում 4 փուլով դասընթացներ` մասնակցությամբ`
Երևանի 9 գրադարանների 78 գրադարանային աշխատողների (Ծրագիրն
իրականացվել է Բաց հասարակության ինստիտուտի (ԲՀԻ) հայկական
մասնաճյուղի ֆինանսական աջակցությամբ):
1998թ., 2 հոկտեմբերի. <<Գրադարանների թվայնացումը և
հայկական էլեկտրոնային գրացուցակների ստեղծման խնդիրը>>,
Գիտաժողով (Զեկուցումների մի մասը տպագրվել են Ասոցիացիայի
<<Տեղեկագրք>> 3-րդ համարում):
1998թ., 21-24 հոկտեմբերի. Եռօրյա սեմինար Երևանում` 9
մարզային հանրապետական գրադարանների 18 ներկայացուցիչների
մասնակցությամբ: Սեմինարի ավարտից հետո նրա մասնակիցներից
երկուսը մասնակցեցին ԲՀԻ -ի հայտարարած դրամաշնորհի
մրցույթին` համակարգիչներ ձեռք բերեցին գրադարանի համար,
ինչպես նաև բարելավեցին գրադարանի ֆոնդերի մի մասի
պահպանության պայմանները:
1999թ., մարտ-ապրիլ. Արարատի մարզային հանրապետական
գրադարանի հետ համատեղ 60 գրադարանային աշխատողների
3-շաբաթյա ուսուցում:
2000թ., հունվար-հուլիս. <<Տեխնիկական միջոցներ EIFLDirect
ծրագրի մասնակիցների համար>> դրամաշնորհի շրջանակներում 9
գրադարանների ապահովում DVD ընթերցող տեխնիկայով:
2000թ., դեկտեմբեր - 2001թ. ապրիլ. Ասոցիացիայի կազմակերպած
6 սեմինարներին մասնակցեցին մոտ հարյուր գրադարանային
աշխատող, նաև` հանրապետության մարզերից:
2002թ., 14-20 ապրիլի. 1-ին անգամ մեր հանրապետությունում
կազմակերպվեց Ազգային գրադարանային շաբաթ:
2002թ., 27-30 սեպտեմբերի. Ամերիկյան գրադարանային միության,
Վրաստանի ու Ադրբեջանի գրադարանային կազմակերպությունների
հետ եռօրյա սեմինարի կազմակերպում Երևանում:
2002թ., սեպտեմբեր. Հայաստանի Ազգային գրադարանում Հայկական
գրադարանային ասոցիացիայի գրադարանավարների վերապատրաստման
<<Կովկաս>> կենտրոնի բացում:
2003թ., հոկտեմբեր. <<Հարավային Կովկասի գրադարանները, և ով
ով է գրադարանային բնագավառում>> ռուսերեն տեղեկատուի
հրատարակում:
2003թ., Ասոցիացիայի աջակցությամբ Խնկո-Ապոր անվան ազգային
մանկական և Երևանի Ավետիք Իսահակյանի անվան քաղաքային
կենտրոնական գրադարանների կայքէջերի պատրաստում:
2003թ., հոկտեմբեր. 16 գրադարանային
աշխատողների մասնակցում Եգիպտոսի Արաբական
հանրապետությունում կազմակերպված երկշաբաթյա գրադարանային
դասընթացների:
2004թ., 22 ապրիլի. ՀՀ կառավարության որոշմամբ հոկտեմբերի
7-ը` Հայկական գրադարանային ասոցիացիայի հիմնադրման օրը,
հաստատվեց իբրև գրադարանավարի օր:
2005թ., 4 նոյեմբերի. Ընդունվել է Հայաստանի Հանրապետության
օրենքը Փաստաթղթերի (վավերագրերի) պարտադիր օրինակի մասին /
տե'ս <<Հայկական գրադարան>> տարեգրքի 9-րդ համարը:
2005թ., ԱՄՆ Պետդեպարտամենտի ժողովրդավարություն հիմնադրամի՚
դրամաշնորհի միջոցով Երևանի Վարդաշենի և Նուբարաշենի հատուկ
կրթական հաստատությունների գրադարանների համալրում գրքերով,
գրադարակներով, անհրաժեշտ այլ պիտույքներով:
2005թ., Ավարտին է հասցվել համաեվրոպական <<Կալիմերա>>
դրամաշնորհային ծրագիրը, որի նպատակն է գրադարանների,
թանգարանների և արխիվների համագործակցությունը`թվային
տեխնոլոգիաների կիրառմամբ: Կատարվել է դրա թարգմանությունը,
խմբագրումը և տեղադրվել ինտերնետային էջում:
2006թ., ՀՀ Ազգային ժողով է ներկայացվել <<Գրադարանների
մասին ՀՀ օրենքի>> նախագիծը:
2006թ., ՀՀ Ազգային ժողով ՀԳ Ասոցիացիան կատարում է նաև
Ամենամյա Ազգային գրադարանային շաբաթի նախապատրաստման
աշխատանքներ:
