ՀԱՅԿԱԿԱՆ ԳՐԱԴԱՐԱՆԱՅԻՆ ԱՍՈՑԻԱՑԻԱ
Պատմությունը
Հայկական գրադարանային ասոցիացիան (ՀԳԱ)
հիմնադրվել է 1994թ. հոկտեմբերի 7-ին: Ասոցիացիան ՀՀ
արդարադատության նախարարության կոլեգիայի կողմից պաշտոնապես
գրանցվել է 1995թ. մարտին (վերագրանցումները` 1998թ. մարտի
6-ի կոլեգիայի թիվ 9/1-3 որոշմամբ և 2001թ. մարտի 20-ի թիվ
316 հրամանով): 2004թ. դեկտեմբերի 13-ին Պետական ռեգիստրի
գործակալության կենտրոնական մարմնի կողմից վերագրանցվել է
որպես Հայկական գրադարանային ասոցիացիա:
Ասոցիացիայի հիմնադրման նախաձեռնողներն են` Հայաստանի
Ազգային, ՀՀ ԳԱԱ հիմնակազմ, Գիտա-բժշկական, Գիտա-տեխնիկական,
Խնկո Ապոր անվան մանկական հանրապետական, Ավ. Իսահանյանի
անվան քաղաքային կենտրոնական գրադարանները, ՀՀ մշակույթի և
երիտասարդության հարցերով նախարարությունը:
1996-2003թթ. ՀԳԱ-ն եղել է Գրադարանային միությունների և
հաստատությունների միջազգային դաշնության (ԻՖԼԱ) անդամ:
Ասոցիացիայի ներկայացուցիչները 1997թ. մասնակցել են ԻՖԼԱ-ի 4
մշտական հանձնաժողովների աշխատանքին: Ասոցիացիայի
ներկայացուցիչը ընդգրկված է եղել <<Ազատ տեղեկատվության և
արտահայտման ազատության>> հանձնաժողովի կազմում: Անդամավճար
չունենալու պատճառով ՀԳԱ-ն 2003 թվականից դուրս է մնացել
ԻՖԼԱ-ի կազմից:
Ասոցիացիայի ներկայացուցիչները մասնակցել են ԻՖԼԱ-ի,
Ամերիկյան գրադարանային միության, Վրաստանի տեղեկատվական
մասնագետների միության, Ռուսական գրադարանային միության, Բաց
հասարակության ինստիտուտի, Միջազգային հետազոտությունների և
փոխանակումների խորհրդի և այլ կազմակերպությունների
անցկացրած գիտաժողովներին, սեմինարներին:
Ասոցիացիայի շարքերում ընդգրկված են շուրջ 40 գրադարանների
ավելի քան 240 ներկայացուցիչներ:
Ասոցիացիայի պաշտոնական տպագիր օրգանը ամենամյա <<Տեղեկագիրքն>>
է:
Դեպի էջի սկիզբը
ԿԱՌՈՒՑՎԱԾՔԸ
ՀԳԱ-ին կարող է
անդամագրվել 18 տարին
լրացած ցանկացած գրադարանային աշխատող կամ տեղեկատվական
մասնագետ:
Ասոցիացիայի ղեկավար մարմինները` նախագահը, վարչությունը,
հանձնաժողովները ընտրվում են երկտարյա ժամկետով` համագումարի
միջոցով:
Ասոցիացիայի նախագահի իրավասության շրջանակում են ասոցիացիայի
գործունեության հետ կապված բոլոր հարցերը, բացառությամբ այն
հարցերի, որոնք կանոնադրությամբ վերապահված են միայն Ասոցիացիայի
համագումարին:
Ասոցիացիայի բյուջեն ձևավորվում է անդամավճարներից, գրադարանների
և անհատների նվիրատվություններից և բարեգործական
կազմակերպությունների դրամաշնորհներից:
Ասոցիացիայի պաշտոնական խոսնակը ՙՀայկական գրադարան՚ տարեգիրքն
է, որը տպագրվում է վարչության նիստի հաստատմամբ:
Յուրաքանչյուր տարի կազմակերպվող ընդհանուր ժողովում տրվում է
Ասոցիացիայի վարչության հաշվետվությունը տարվա ընթացքում կատարած
աշխատանքների վերաբերյալ: Կազմակերպվում են նաև գրադարանային
գործի զարգացման խնդիրներին, փորձի և տեղեկատվության
փոխանակությանը նվիրված գիտաժողովներ, խորհրդակցություններ,
սեմինարներ, կլոր սեղաններ, բանավեճեր և այլ միջոցառումներ:
Դեպի էջի սկիզբը
ՀԱՄԱԳՈՐԾԱԿՑՈՒԹՅՈՒՆ
ՏԱՐԱԾԱՇՐՋԱՆԱՅԻՆ ԵՎ ՄԻՋԱԶԳԱՅԻՆ
ՀԱՄԱԳՈՐԾԱԿՑՈՒԹՅՈՒՆԸ
Ասոցիացիայի նպատակներից է մասնակցությունը միջազգային
գրադարանային համագործակցությանը: 1995թ. վերջին
Ասոցիացիան դիմեց Գրադարանային միությունների և
կազմակերպությունների միջազգային դաշնության (ԻՖԼԱ)
ղեկավար մարմիններին` անդամագրության խնդրանքով: 1996թ
օգոստոսին Պեկինում ԻՖԼԱ 62-րդ գլխավոր կոնֆերանսում
Ասոցիացիան ընտրվեց ԻՖԼԱ անդամ` ազգային-անդամ ասոցիացիայի
կարգավիճակով: Ասոցիացիան մասնակցել է ԻՖԼԱ չորս մշտական
հանձնաժողովների աշխատանքներին: Ասոցիացիայի
ներկայացուցիչները մասնակցել են ԻՖԼԱ-ի` 1997-2002թթ.
բոլոր կոնֆերանսներին:
ՀԳԱ-ն Ադրբեջանի և Վրաստանի
գրադարանային աշխատողների հետ մասնագիտական շփումները
հաստատել է 1996-1997 թվականներից:
1997թ., 3-5 մայիսի, Երևան. <<Գրադարանը իբրև տեղեկատվական
կենտրոն. նոր կերպարանք>>, կոնֆերանս` մասնակցությամբ`
Հայաստանից`20, Վրաստանից 15, Միացյալ Նահանգներից` 2
գրադարանավարների:
1998թ., 3-5 հունիսի, Թբիլիսի. <<Գրադարաններ`
տեղեկատվություն ստանալու հնարավորություն>>
տարածաշրջանային կոնֆերանս` մասնակցությամբ Ասոցիացիայի 10
ներկայացուցիչների (կոնֆերանսը կազմակերպել էր Վրաստանի
Տեղեկատվական մասնագետների միությունը):
1999թ., 18-21 ապրիլի. Ասոցիացիայի 5 ներկայացուցիչներ
մասնակցեցին Հարավային Կովկասի տարածաշրջանի 2-րդ
կոնֆերանսի աշխատանքներին:
2000թ., մարտ, Թբիլիսի. Ասոցիացիայի 9 ներկայացուցիչներ
մասնակցեցին Վրաստանի տեղեկատվական մասնագետների միության
կազմակերպած երկշաբաթյա դասընթացներին, որում ընդգրկված
էին 7-ական գրադարանավար Հարավային Կովկասի
հանրապետություններից:
2001թ., 5-8 մայիսի, Թբիլիսի. Ասոցիացիայի 10 անդամներից
կազմված պատվիրակությունը մասնակցեց Ամերիկյան
գրադարանային միության նախաձեռնությամբ կազմակերպված
Հարավ-Կովկասյան տարածաշրջանային կոնֆերանսին /տե'ս
Ասոցիացիայի <<Տարեգրքի>> 5-րդ համարի նյութերը:
2001թ., 9-17 հունիսի, Ղրիմ. <<Գրադարանները և
ասոցիացիաները փոփոխվող աշխարհում. նոր տեխնոլոգիաներ և
համագործակցության նոր ձևեր>> միջազգային 8-րդ գիտաժողով,
որին մասնակցեցին Ասոցիացիայի 4 ներկայացուցիչներ:
2001թ., 3-15 դեկտեմբերի, Երևան. Հայկական գրադարանային
ասոցիացիայի և Վրաստանի տեղեկատվական մասնագետների
միության հետ համատեղ` երկշաբաթյա վերապատրաստման
դասընթացների կազմակերպում, որին մեր հանրապետությունից
մասնակցեց 17 գրադարանային աշխատող:
2002թ., Երևան. Հայկական գրադարանային ասոցիացիան դարձավ
<<@ Քո գրադարանը™>> միջազգային շարժման մասնակիցը:
2002թ., 18-23 օգոստոսի, Գլազգո. Ասոցիացիայի 3
ներկայացուցիչներ մասնակցեցին <<ԻՖԼԱ>> խորհրդի
68-րդ նիստին և գլխավոր կոնֆերանսին:
2002թ., 27-30 սեպտեմբերի, Երևան. Հարավ-Կովկասյան
գրադարանային գիտաժողով` մասնակցությամբ` Հայաստանի,
Վրաստանի, Ասրբեջանի և Ամերիկայի Միացյալ Նահանգների 37
գրադարանային մասնագետների:
2003թ., հոկտեմբեր, Կահիրե. Ասոցիացիայի նախաձեռնությամբ
հայ գրադարանավարների 16 հոգանոց մի խումբ ստացավ
մասնագիտական վերապատրաստում:
2005թ., 14-24 նոյեմբերի, Իրան. Ասոցիացիայի նախագահ Դ.
Սարգսյանը և քարտուղար Ռ. Ղազարյանը այցելեցին Իրան`
նպատակ ունենալով հետագայում Ազգային գրադարանային շաբաթի
միջոցառումներին ապահովել Սպահանի և Թեհրանի գրադարանային
ներկայացուցիչների մասնակցությունը:
ԿԱՆՈՆԱԴՐՈՒԹՅՈՒՆ
Ասոցիացիայի
կանոնադրությունը կարող եք բեռնաթափել որպես MS Word
փաստաթուղթ այստեղից:
Դեպի էջի սկիզբը
|
